कागदाची होडी

थेंब अवचित आले पावसाचे दारी

चिंब झाले शब्द माझी ओलावली गाणी

आली गंधाळली माझ्या अंगणी भिंगोरी

मन झाले वारा, मन झाले पाणी

मन धावते वढाळ, मन कागदाची होडी

थेंब अवचित आले आली पापण्यास स्मृती

गळा भरल्या मेघात विज हुंदक्यास भेटी

असा नाचतो पाऊस चाल थेंबाळते माझी

मन झाले रान, मन झाले शीळ  

मन अभ्रकाचे फुल, मन उन्हाची पाकोळी

थेंब अवचित आले आली पाखरे सुखाची

सावलीस फुटे त्यांच्या पालवी आशेची-भीतीची