माणूस

माणसाच्या हातातील भिंगे
लक्षपुर्वक जाळत आहेत
इथेच, माणसाना...
तिरस्काराचे सुर्य
पाळलेत त्यानी
स्वत:च्या डोळ्यातून
माणसांच्या जळण्याला
वणवा म्हणणारे
आहेत अरण्याच्या शोधात: वनवास भोगत?
जागो जाग
सोन्याची कातडी
विकावयास बसलेले
राम-
भोलाराम, आत्माराम,सखाराम
जपणार्या बायका
हाडाशी तशाच उघड्या!
काय करायचे?
तिरस्काराचे सुर्या विझवून
आंधळ्या झालेल्या लोकांना
करत्रुत्वाचे अहंकार होतात
ह्याला काय म्हणायचे?
माणुस...?