व्यर्थ शब्द

व्यर्थ जाळले शब्द
धुरात त्यांच्या चुरचुरले नाही डोळे
आंधार दिला भाड्याने अशा
चेहर्यावर मिणमिणत्या खिडक्या...
(म्हणे) व्यर्थ आहेत शब्द
ज्याला सुराची साथ नाही
मस्तवाल रसिकतेला त्यांच्या
विषाचा तिरकट दात आहे....
सजवायला ? बघा दुसरे
शब्द ना माझे गुलाबचंदी
अघोर साधनेत ह्यांच्या
काळिजे कोवळी कटणार आहेत
व्यर्थ! तुमची भीक
माझ्या हात काटलेल्या शब्दाना
संगमरवरी ताज त्यांनी
केंव्हाच बांधला आहे...