भोग

आपापल्या हातातील जादू
शोधत फिरत राहतात बोटे
पेटीच्या निर्जीव पट्ट्यांवरून
कुणी फुले माळावीत तसे गाणे
चक्काचूर पाकळ्यांचे सकाळी केलेले हिशोब
माझे देणे फीटत नाही
म्हातारा फुलेवालाही आयुष्याशी गंधार भांडतो आहे
विस्कटणाऱ्या प्रतिबिंबासारखे
पुन्हा पुन्हा जुळायचे,
आणी एखाद्या खोल क्षणी
डोळ्यात बुडताना
तुझ्याच ओठांकडे आधार मागायचे...
निर्जीव पेटीने हात भोगावेत तसे!

Friday, March 10, 2006 - 5:05 pm