उधळलेल्या वाटा गेल्या
बदनाम करून पायाना
रुजण्याचे स्वप्नच त्यांचे
कालबाह्य झालेले...
इथली गाणी, वाणी, पेहराव, लकब लादुन गेली शरीरे
दूर क्षितीजावरची गाणी, वाणी, पेहराव, लकब लादून आली शरीरे
रुजलेले पाय तेंव्हा
फुलांच्या निर्मितीत गढले होते (हाऊ बोअरींग)
जाणारे घेउन गेले धार धार पाते
येणारे घेउन आले धार धार पाते
बुद्धीचे भुकेचे भिकेचे
रुजलेले पाय
इथले अन क्षितीजापलीकडले
एकाच घावाचे सहप्रवासी...
माझ्या पायानो कृपा करा सुजा पण रुजु नका
No comments:
Post a Comment