जरा सांगाल का?

दुख्खातील सृजनशील नागडेपणानंतर
सुखातगुंडाळलेली अनुभवशुन्यता
भोगुन पांगळे झालेल्यांनो
कुठल्या कुबड्या वापरता
जरा सांगाल का?
समाधी शिकवणारा कुणी
भेटला नाही ह्याची खंत नाही
समाधी म्हणुन प्रत्येकाची
आत्महत्या पुजनीयही होत नाही
तुम्हीचालता आहात
तिरस्काराने थुंकावे तशी
आता माझीही पाउले त्याच रस्त्यावर
गुळगुळीतपणाची थोबाडित खाउन
कोडगे झालेले सारे शब्द कुठे डागु?
एखादा बामियान बुद्ध ठिकरला महणजे?
आत्मदिमाखाचे सांडपाणी संपलेल्याम्न्नो
तुमचे हौद कुणापुढे धरता
जरा सांगाल का?