तुझा गुरु दशमात आहे
तसा निर्बलीच पण
दशमात गुरु उत्तम असतो
तसे कुंभेचा म्हटल्यावर तो उच्चिचाच
तसे अष्टमेशाचे फारसे दोष त्याला लागत नाहीत...
पण संतती पासून सुख नाही तुला...
त्यातून षष्ठेश शुक्र तिथे...
माड्या चढता चढता पाय मोडल्या सारखेच हे!
गुरु दशमात आहे तुझ्या...
काळजी करू नको
फक्त जमलं तर गुरुजनांचा आदर राख...
त्याचे काय आहे तू मागच्या जन्मी एक वासरू मारले आहेस
(भृगु संहितेच्या पानावर )
तेव्हा एखादी गाय (सोन्याची) दान कर...
आणि येत राहा...
अजून बरेच ग्रह
बर्याच अंशात
बर्याच होर्यात
बर्याच योगात
विपरीत राज्योगात
अर्धा कालसर्पही
जरा सविस्तर बघतो
ये आता आज गर्दी आहे
दक्षिणा बाहेर दे मी स्वतः घेत नाही
काळजी करू नको गुरु दशमात आहे तुझ्या!
Tuesday, December 12, 2006 - 3:23 am
No comments:
Post a Comment