भेट

संत भेटला मला
ज्याचा गाढा अभ्यास होता
लाळेलाही त्याच्या
अध्यात्माचा गंध होता

कसे असावे असणे?
वाकून विचारता झालो...

छंद असावा आकार असावा
पाहताच तुजला त्यांनी
वाहवा ! उद्गार ओकावा...
ते तुझे डुलणे लयीत असावे
रंग रूपाने तुझ्या
नियमांचे दिव्य वस्त्र ओढावे
वत्सा तू तू नसावे
तू कुणाच्या व्याखेत ओतलेले मेण असावे
हे असे असेच असणे असावे...

संत भेटला मला
असण्याचा अर्थ ज्याचा
माझ्या इतकाच निरर्थक होता
गाळणाऱ्या अध्यात्माला त्याचा
कसल्याशा भुकेचा वास होता

Sunday, February 04, 2007 - 5:14 pm: